Хөлбөмбөгчин Дэвид Бекхэм, дуучин Викториа Бекхэм нар шинэ хүнтэй болж бүл нэмээд удаагүй. Алдартай хөлбөмбөгчин аавдаа тэврүүлсэн Харпер охины зургийг олон нийтэд өчигдөр ил болголоо. Бяцхан гүнж долдугаар сарын 10-нд Лос Анжелест төрсөн, өнөө маргаашгүй нэг сар хүрэх гэж буй юм. Харпер охин мэндэлснээр Бекхемийн гэр бүл гурван хүү, нэг охинтой болсон. Дэвид, Виктория хоёрт дөрвөн хүүхэд цөөдөж буй бололтой. Тэд саяхнаас тав дахь хүүхдийнхээ талаар бодож эхэлсэн гэнэ.