Өнөөдөр билгийн тооллын 10. Гурван хөх мэнгэтэй хөхөгчин хонь өдөр. Эл өдөр эрхэм төрийн түшээд эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, нялхсын сэвлэг үргээх, бэр гуйх, инж өгөх, авах, үнэт эрдэнийн зүйл авах, лус тахих, мал худалдан авах, мал түгээх, хийморийн дарцаг хатгах зэрэг үйлийг хийхээр бол нэн сайн байх аж. Ялангуяа гахай жилтэй эрхэм гишүүн Х.Тэмүүжин, Д.Арвин туулай жилтэй  Х.Баттулга, Д.Оюунхорол нарт аливаа үйлийг хийхэд эерэг сайн. Харин энэ өдөр сахил санваар авах, хануур, төөнүүр хийлгэх, цөөрөм байгуулах зэрэг үйлд муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод урагш мөрөө гаргавал зохистой. Өнөөдөр намрын уур орох улирал эхлэнэ. Эрхэм гишүүд үсээ засуулбал эрч хүч ихэснэ хэмээжээ.