АНУ-ын Нью-Йорк
хотноо “Nautica”-гийн
нэрэмжит триатлоны тэмцээний үеэр усан сэлэлтийн төрөлд оролцож байсан 64 настай
эрэгтэй тамирчин амиа алджээ. Эндсэн тамирчинд тэмцээн болсон газарт яаралтай эмнэлгийн тусламж үзүүлж, Рузвельтийн эмнэлэгт хүргэсэн ч сэхээ авч чадалгүй амьсгал хураажээ. Энэ үеэр тэмцээнийг зохион байгуулагчдын зүгээс хүний амь эндсэн явдалд
туйлын харамсч байгаагаа илэрхийлсэн байна. Түүнчлэн өөр нэг эмэгтэйн бие усан сэлэлтийн тэмцээний үеэр гэнэт муудаж,
Рузвельтийн эмнэлэгт хүргэгдсэн бөгөөд биеийн байдал нь ням гаригийн шөнө гэхэд нэлээд хүнд байсан байна.

“Nautica”-гийн триатлоны тэмцээн нь олимпийн
наадмын триатлоны тэмцээнтэй адил шалгууртай, тодруулбал, 1,500 метрийн сэлэлт,
40 км зайн унадаг дугуйн тэмцээн, 10 км-ийн гүйлт багтдаг. Ням гаригт болсон усан сэлэлтийн тэмцээн
Хюдсон голд болсон бол дугуйн уралдаан Манхаттаны Баруун хэсгийн хурдны зам
дээр, гүйлт нь Төв цэцэрлэгт хүрээлэнд тус тус болсон байна. 

Б.Энх