Хөлбөмбөгийн Дэлхийн аварга шалгаруулах 21 дэх удаагийн тэмцээний сугалаа ирэх баасан гаригт /2017.12.01/ ОХУ-ын Москва хотод болно. 32 орны баг оролцох тэмцээний сугалааг баасан гаригийн 22.00 цагаас Үндэсний ТВ-ээр шууд дамжуулан үзүүлэхээр болжээ.

21 дэх удаагийн ФИФА Дэлхийн цомын тэмцээн 2018 оны зургадугаар сарын 14-өөс долдугаар сарын 15-ны хооронд хойд хөршид болох юм. Тус тэмцээнийг МҮОНРТ болон NTV хамтран дамжуулахаар болсон. 

Энэхүү тэмцээнд 2006 оноос хойш Европт зохиогдох анхны ДАШТ болж байгаагаараа ихээхэн онцлог болох юм.

Ч.БОЛОР