Бие даан “Шар нохойн там” киноны хөгжмийг бичсэн . Бусад нь гол төлөв чимэглэл хөгжим , Бөртэ хамтлагийн уран бүтээлээс тухайн кинонд тохируулан сонгосон бүтээлүүд байдаг.

Тухайн үед анх хөгжмийн саналыг дургүйцэж хүлээж авсан. Яагаад гэвэл би олон улсад хүлээн зөвшөөрөгдсөн хөгжмийн зохиолч биш тиймээс олон чадварлаг уран бүтээлчдийг санал болгосон л доо. Гэсэн хэдий ч хүлээн авалгүй тэд “Ганпүрэв ээ бидний киноны жанр хийгээд сэтгэлгээнд танай хамтлагын уран бүтээл илүү ихээр тохирно. Зөвхөн та л ажилла . Тэгвэл бидний бүтээл илүүтэй амилах гээд байна” гэж хэлсэн. Ингээд л саналыг нь хүлээж авсан. Уг кино бол их сонирхолтой . Нүүдэлчин ахуйг харуулдаг ба гол хөгжмийн зохиолын сэдэв бол нүүдэл байсан. Хөгжмийн гол санааг хөсөг тэрэгний дугуйны гяхрах чимээ надад хэлж өгсөн.

Олон улсын хэмжээнд киноны хөгжмөөс авч оруулахаар гэрээний дагуу оролцсон уран бүтээлчийн нэр ордог .Мөн өөрийн бие даасан Олон улстай харилцах өмгөөлөгчтэй байх хэрэгтэй. Жишээлбэл бид “Ингэн тэмээний нулимс” кинон дээр Санги багшаас “Тэмээчин ээж” бүтээлийг зохиолчийн эрхийн дагуу зөвшөөрөл авч найруулан тоглосон.

Уг кино нь өөрөө их хөгжимлөг. Гол дүрийн дуучин амьдрал дээрээ чадварлаг дуулдаг. Эргэн тойронд нь хөгжим эгшиглэсээр байдаг тиймдээ ч чимэг хөгжим дээр ажилласан.

Энэ хоёр кино дэлхийн анхааралыг Монголруу чиглүүлж чадсан. Жуулчид асар ихээр нэмэгдсэн. Мөн техник технологи хөгжиж, хотжих тусам тухайн кинонууд түүх болон үлдэнэ дээ гэж боддог. Мөн бид европт “Beatles” хамтлагын дууг тоглосон чинь хүмүүс та нар монгол аялгуугаа л тогло гэж байсан.

Авъяас гэдэг бол заавал мэргэжилтэй байна гэсэн үг биш. Би энэ нийгмийн сэтгэлгээнд дипломын гардаагүй ч зохиосон, бүтээсэн зүйлтэй хөгжмийн зохиолч гэж боддог.