Хэрэв та энэ зун Хөвсгөл рүү аялахаар төлөвлөж байгаа бол дараах цомогт анхаарлаа хандуулаарай. Хөвсгөлд заавал үзэх ёстой үзэсгэлэнт газруудыг сонирхуулъя.
 

Сүн далайг шалбааг байхад Сүмбэр уулыг гүвээ байхад Хөвсгөл далай ч гэж байсангүй. Мөнх цаст уулс алсын алсаас сүмбэрлэсэн, зэрэглээ наадсан тэнүүн тал энэ нутагт таргийн таван ямаа, таглаатай худаг хоёроос өөр юу ч байсангүй.

Таван хар ямаатай тарчиг зүдүү эмгэн ямаагаа услаад худгаа таглахыг мартчихжээ. Худгийн ус оргилон оргилсоор амьтан хүн живж аюул учирдгийн даваан дээр нэгэн бяртай эр тэртээ алсад сүмбэрлэн харагдах, Уран дөшийн оройг таслан чулуудаж худгийн амыг тагласан гэнэ. Их уулсын завсарт нуур цэлийж Урандөшийн орой нуурын дунд арал боон тогтжээ. Уулын орой хавтгай тавцан дөш шиг болсноос, Урандөш гэж нэрлэх болжээ. Ой хөвчтэй үзэсгэлэнт энэ арлыг Модон хүй гэх болсон байна. Гэвч нуурын ус таглаагаараа шүүрэн ус ихэссээр байсан аж. Эмгэн нуурыг сэтлэн урсгаснаас ой хөвч, ус ургамал тэгш үзэсгэлэнт нутаг болжээ. Эмгэний сэтгэл урсгасан голыг Эг хэмээн нэрлэх болсон гэнэ.

Гэрэл зургуудыг сошиал сүлжээнээс ашиглав