УИХ-ын чуулганы нэгдсэн хуралдаанаар Зөрчлийн тухай хуулийг Байнгын хороогоор хэлэлцэх шатанд гаргасан 80 зарчмын зөрүүтэй саналаар санал хурааж дууслаа.

Санал хураах үеэр УИХ-ын гишүүдийн ирц хангалтгүй байв. Үүнээс үүдэж Байнгын хороон дээр дэмжээгүй санал дэмжигдэж, хуулийн заалтууд зөрчилдөх нөхцөл байдал үүссэнийг УИХ-ын дарга М.Энхболд шүүмжлэв.

Тиймээс Хууль зүйн байнгын хороо эцсийн хэлэлцүүлэгт бэлтгэхдээ энэ бүхнийг анхаараарай гэдгийг тэрбээр санууллаа. Үүгээр УИХ-ын чуулганы өнөөдрийн нэгдсэн хуралдаан өндөрлөв.

Т.НОМИН