Британийн хатан хаан өнгөрсөн 50 жилийн хугацаанд 5000 гаруй өөр төрлийн малгай өмсчээ. Малгай бол зүгээр ч нэг загварын элемент биш, түүнээс ч илүү зүйлийг илэрхийлдэг гэж хааны гэр бүлийн намтар бичигч Роберт Лейси гэгч ярьсан байдаг. Түүний тайлбарласнаар малгай бол хааны удмынхны хувцаслалтын маш чухал бүрэлдэхүүн хэсэг бөгөөд малгайгаар титмийг төлөөлүүлэн өмсдөг гэнэ. Тиймдээ ч хатан хааны толгой нүцгэн зураг гэж ховор.

Хатан хаан II Элизабетийн малгайг урладаг Фредди Фокс эрхэм дээдэст зориулж хэдэн зуун толгойн гоёл хийжээ. Хатан хааны богино аялалд ч малгай ачсан тусгай машин дагалдаж явдаг байна.

Хатан хаан мэдээж дэлхийн хамгийн чинээлэг эмэгтэйчүүдийн нэг. Түүнд 5000 гаруй малгай бий. Гэхдээ тэр хамгийн дуртай, хайртай малгайгаа 20-30 удаа өмсдөг гэнэ. Бас ганцхан арга хэмжээнд өмсөөд дахиж хэрэглээгүй малгай ч өч төчнөөн бий ажээ.

С.ЦЭЛМЭГ