-Ургац хураахтай холбоотой цаг үеийн ажлынхаа талаар танил­цуулаач?

-Ургац хураалтын бэлтгэл ажлууд ид үргэлжилж байна. Үндсэндээ та­риалан
эрхэлдэг аж ахуйн нэгж, иргэд техникийнхээ засвар үлчилгээний ажлуудыг
хийж байна. Энэ сарын 3-ны өдрийн байдлаар техникийн засварын явцын
мэдээ 70-80 хувьтай байгаа. Мөн орон нутагт ургац хураах, тээвэрлэхтэй
холбоотойгоор зам гүүрийн ажлууд хийж байна.

-Техникийн хүрэлцээ ямар байдаг вэ?

-Ургац хураалтад зориулж нэмэл­тээр улсын төсвийн хөрөнгөөр 19 ширхэг
комбайн худалдан авах аж­лыг зохион байгуулж байна. Ур­гац хураалтаас
өмнө оруулж ирэх байх. Мөн үр тариа цэвэрлэх тоног төхөөрөмж, үр тарианы
явуулын техникүүдийг нийлүүлэх тал дээр судалж байна. 300 мянга гаруй
га талбайд тариалан эрхэлсэн байгаа. Тиймээс явуулын техникүүд
хэрэг­тэй. Техникийн хангамж мэдээж чухал.

-Намар цагт улаанбуудайн ургац хураалтаас гадна хүнсний но­гоо хураах,
худалдаалах ажил идэвхждэг. Хүнсний ногооны хувьд ямар байгаа вэ?

-Төмсийг энэ жил 14.6 мянган га талбайд тариалсан бол бусад хүнсний
ногоог 7.2 мянган га газарт тариалсан. Үндсэндээ таримлынхаа төрөл болон
тариалсан талбайгаараа жил жилд нэмэгдэж байгаа. Хүнс­ний ногоо гэхэд
өнгөрсөн жи­лийн­хээс мянган га талбайгаар нэ­мэгдсэн. Одоогоор хүнсний
эрт ур­гацын ногоонууд зах зээл дээр худалдаалагдаад эхэлсэн байна. Энэ
сарын 10-12-ны өдрүүдэд Ногоон хувьсгал үндэсний хөтөлбөрийн хүрээнд
үзүүлэх сургалт болдог юм. Энэ сургалтыг энэ жил Увс аймагт “Чацаргана”
үндэсний хөтбөрийн үндэсний чуулгантай хамтатган зохион байгуулна. Мөн
“Намрын ногоон өдрүүд” өргөтгөсөн худалдаа маань бас болно.

-Энэ жилийн хувьд импортын хүнсний ногоонд өндөр татвар тавьж байгаа байх аа?

-Өмнө нь татвар нь ялгаатай байсан. Хүнсний ногооны импорт бага байдаг
долдугаар сарын хувьд таван хувьтай. Бусад үед 15 хувьтай байсан. Үүнийг
ялгаагүй 15 хувь болгосон. Тэгэхээр бидний зүгээс нэг талаас үндэсний
үйлдвэрлэлээ дэмжиж байна. Мөн эх орны ургацаа хэрэглэхийг уриалж байгаа
хэрэг л дээ.