“Монголиа Опен-2017” чөлөөт бөхийн олон улсын тэмцээн ирэх амралтын өдрүүдэд буюу дөрөвдүгээр сарын 29-30-нд "Буянт-Ухаа" спортын ордонд болох билээ. Тус тэмцээндзургаан орон оролцохоор мэдүүлгээ ирүүлээд байгаа. Тодруулбал, ОХУ, БНСУ, БНХАУ-ын ӨМӨЗО, Венесуэль, Канадын баг тамирчид оролцох аж. Тэгвэл тус тэмцээнд ОХУ-ын эмэгтэй баг оролцохоор болж, баг тамирчид маргааш Улаанбаатарт буух юм байна. Гэнэтийн бэлэг барьж буй ОХУ-ын эмэгтэйчүүдийн шигшээ багийг дасгалжуулагч Андрей Бузин, Руслан Пайнов нар удирдан 12 тамирчин өрсөлдөхөөр болжээ. Үүнд 2014 оны ДАШТ-ий хүрэл медальт, 2015 оны Европын анхдугаар наадмын аварга Валерия Лазинская, 2013 оны Европын аварга, залуучуудын дэлхийн болон Европын аварга Валерия Чепсакарова, залуучуудын ДАШТ-ий хошой мөнгөн медальт Сталвира Оршуш нарын шилдэг тамирчид багтсан байна.
ОХУ-ын эмэгтэйчүүдийн шигшээ баг:
- 48 кг: Валерия Чепсаракова, Анжелика Фетошкина, Надежда Соколова, Дарья Лексина
- 53 кг: Сталвира Оршуш, Екатерина Полешук
- 55 кг: Нина Менкенова
- 58 кг: Вероника Чумикова
- 60 кг: Ульяна Тукуренова
- 63 кг: Юлия Пронцевич, Валерия Лазинская, Анжела Фоменко
Дасгалжуулагч: Андрей Бузен, Руслан Пайнов нар ажиллана.
Ч.БОЛОР
