Баянзүрх дүүргийн 14 дүгээр хорооны нутаг дэвсгэр “Нарантуул” захын баруун хойно, Шөнийн захын зүүн талд байрлах “Билло” ХХК-ийн агуулахад гал гарч буй тухай бид өчигдөр мэдээлсэн билээ. Нийслэлийн Онцгой байдлын газрын 105 тусгай дугаарт 20.50 минутад галын дуудлага ирсэн бөгөөд X ангийн хоёр тасаг ажиллаж, 22.40 цагийн орчимд галыг бүрэн унтраажээ. 12*7 метр хэмжээтэй тус агуулахад “Нарантуул” захын хүнс, бөс бараа худалдаалдаг иргэд бараа, бүтээгдэхүүнээ хадгалдаг байжээ.  Баянзүрх дүүргийн цагдаагийн хэлтэст уг галын дуудлага 21.20 цагт ирсэн бөгөөд одоогоор мэргэжлийн байгууллагынхан галын шалтгааныг тодруулахаар ажиллаж байна. Галын улмаас хүний амь нас эрсдээгүй ч, нэлээд хэмжээний хохирол учруулсан бололтой.