Ардчилсан намын гишүүд дэм­жигч­дийн холбооноос  “Төгс ардчилал” нэртэй аянг удахгүй зохион байгуулах гэнэ. Тус холбоо­ны Ардчилсан намын бодлого, үйл ажилгааг дэмжихийн зэрэгцээ тэдний олж хараагүй нийгмийн эм­зэг асуудлуудыг шүүрдэн гаргаж, шийдвэрлэх үйл ажиллагаа явуулдаг аж. Тэд  Монголд баян ядуугийн ялгаа илт мэдрэгдэж байгаа үед ардчилал гэсэн утга агуулгыг, нөгөөтэйгүүр ардчиллын үнэт зүйлс, хэм хэмжээг нийгэмд хэвшүүлэхээс цааргалах зорилго бүхий хүмүүс, эдийн засаг улс төрийн бүлэглэлүүд байсаар байна хэмээн үзэж, эдийн засаг, улс төрийн оюун санааны хүрээнд “Төгс ардчилал” аянг зохион байуулахаар болжээ. Энэ шийдвэрийг холбооны удирдах зөвлөлийн хурлаас гаргасан байна.

Өнгөрөгч хавар МАН-ын залуу­чуудын байгууллага болох “Нийгмийн ардчилал-Монголын залуучуудын хол­боо”-ны зүгээс “Нийгмийн ард­чилал” аяныг улс орон даяар зохион байгуулах болсноо зарласан. Улс төрийн шинжлэх ухаан, болоод улс төрийн бодлоготнуудын хүрээнд “Нийг­мийн ардчилал” хэмээх нэр томьёо нь нэлээд шүүмжлэл дагуулдаг ч МАН-ын залуучуудын хувьд ямартай ч Ардчилсан намын залуучуудаас түрүүлж хөдөлсөн нь энэ билээ. Харин энэ удаа Ардчилсан намын гишүүд дэмжигчдийн холбооноос ийнхүү улс орны ирээдүйн хөгжил, хувь заяа болоод иргэн бүрт хамаатай ардчилал хэмээх зүйлийн улс төрийн болоод эдийн засгийн хүрээнд хэрхэн үнэлж цэгнэх талаар “Төгс ардчилал” аяныг зохион байгуулахаар болжээ.