Германы албан байр, эмнэлэг, галт тэрэгний буу­дал, их сургуулиудын ундааны ус нь маш муу чанартай гарсан байна. Техникийн хяналт, шалгалтын TUV Rheinland нийгэмлэгээс хийсэн судалг­аа үүнийг тогтоосон тухай ZDF телевиз мэдээлэв. Германы Кельн, Ганновер ба Майн дэх Франкфурт зэрэг 10 хотын ундны усны сүлжээнээс авсан 50 дээжийг судлахад тэдний тэн хагасаас халдварын бохирдол илэрсэн байна. Зарим тохиолдолд нянгийн цугларалт байх ёстой хэмжээнээс найм дахин их байлаа.

Усны бохирдлын гол шалтгаан нь сүлжээ­ний хоолойн элэгдэл гэж TUV Rheinland-ын мэргэжилтнүүд үзэв. Мөн усны краныг цэвэрлэхгүй байгаа нь бохирдлыг үүсгэж буй гэнэ. Зарим тохиолдолд уснаас гэдэсний савханцар илэрч байлаа. Дөрвөн дээжээс уушигны өвчин өдөөгч легионелла нян илрэв. Бас бусад эмнэлгийн халдварын нянгууд ч илэрсэн байна. “Энэ бүгд нь дархлал муутай хүмүүст аюул учруулахаар” хэмээн  TUV Rheinland-ийн микробиологч Валтер Дормаген (Walter Dormagen) хэлж байна.