Монгол Улсад амьдарч байгаа нийт 36 мянга гаруй гадаадын иргэнд оршин суух үнэмлэх олгож эхлээд байна. Гадаадын иргэдэд олгож буй эдгээр үнэмлэх тэдгээрийн оршин суух хэлбэрээс хамаарч долоон өөр өнгөөр хэвлэгдэн гарч байгаа ажээ. Хөрөнгө оруулагч гадаадын иргэн саарал, суралцагч ягаан, хөдөлмөр эрхлэгч шар өнгийн үнэмлэхтэй байх ажээ. Гадаад иргэдийн оршин суух үнэмлэхийг олон улсын хэмжээнд мөрдөгддөг хэмжээ, стандартын шаардлага хангасан хэлбэрээр хийж байгаа гэнэ. Үргэлж биедээ авч явах зориулалттай уг үнэмлэхэд тухайн иргэний овог нэр, төрсөн он сар өдөр, паспортын дугаар, оршин суугаа хаяг, фото зураг болон арван хурууны хээний мэдээлэл багтжээ. Одоогоор гадаад иргэдийн 70 хувь нь шинэ үнэмлэхээ аваад байгаа аж.