Олон улсын цанын холбоо (FIS), Монголын цанын холбоо хамтран дасгалжуулагч, тамирчдын 10 хоногийн сургалтыг Хандгайтын зусланд явууллаа. Хот хөдөөгийн 15 байгууллагын 43 дасгалжуулагч, тамирчин оролцсон уг сургалтыг удирдагч Георг Зипфел нь Германы нэртэй дасгалжуулагчдын нэг төдийгүй Германы бүх насны ангиллын шигшээ багуудад ажиллаж, олон улсын тэмцээнүүдийг зохион байгуулж, FIS-ийн экспертээр олон оронд томилогдож байсан туршлагатай эрхэм ажээ. Тус семинарын хаалтад зориулсан цанын ролик-уулын гүйлтийн тэмцээн өнөөдөр 10.30 цагаас Хүй долоон худгийн Морь барианы газарт болох юм байна.