“Nokia” компани Symbian Anna үйлдлийн системтэй Nokia 500 ухаалаг гар утсаа танилцууллаа. Ерөнхийдөө Nokia C5-03 загварын гар утасны үндсэн үзүүлэлт дээр суурилсан Nokia 500 нь үнийн хувьд харьцангуй боломжийн байх гэнэ. Хамгийн гол давуу тал нь 1GHz CPU-тэй юм. Nokia 500 нь 3.2 инчийн 640х360 мэдрэгчтэй дэлгэцтэй, 5.0 мегапиксель камертай, Wi-Fi, GPS-тэй гэнэ. Өөр дээрхээ 2GB багтаамжтайн дээр мэдээж мемори картыг дэмжиж ажиллана. Нүүрэн хэсэг нь хар болон цагаан өнгөний сонголттой, харин арын хэсэг нь зургаан өөр өнгийн сонголттой байх ба үнийн хувьд 150 евро байх ажээ.