Өнөөдөр Засгийн газар хуралдахгүй  “өнжих” нь. Сайд нарын дийлэнх наймдугаар сарын 1-нээс амарцгаасан тул энэ сарын 15 хүртэл онцгой тохиолдол гарахгүй бол Засгийн газрыг хуралдуулахгүй гэсэн байна.  Түрүүчийн долоо хоногт өвөлжилтийн бэлтгэлээ базаахыг гол салбарууддаа анхааруулж явц байдлыг сонссон болохоор хэсэгтээ алзахгүй гэж сайд нар үзжээ.

Ерөнхий сайд С.Батболд танхимынхаа таван гишүүний хамт амралтаа эдэлж эхэлжээ. Цөөн хэдэн сайд алба ажлаа үргэлжлүүлж байгаа гэнэ.

Гэхдээ Засгийн газар бүр эзэнгүй үлдсэнгүй. Тэргүүн шадар сайд Н.Алтанхуяг Засгийн газраа тэргүүлж “гал манаж” хоцроод байна. Мөн Эрдэс баялаг, эрчим хүчний сайд Д.Зоригт, БСШУ-ны сайд Ё.Отгонбаяр нарт “сул зогсох зав” байхгүй тул амрахгүй гэжээ.