Европын холбооны гишүүн орнуудын төр засгийн тэргүүн нарын яаралтай САММИТ-ийг дөрөвдүгээр сарын 29-нд хийлгэхээр болсон тухай Европын зөвлөлийн дарга Дональд Туск гуравдугаар сарын 21-нд мэдэгдлээ. Энэ уулзалтаар Их Британийг тус холбооноос гаргах хэлэлцээрийн үндсэн чиглэлийг тодорхойлох юм.

EADaily сонинд өгүүлснээр, Их Британи Брекситийн ажиллагааг гуравдугаар сарын 29-нд эхлүүлэх нь тодорхой болжээ. 

Brexit-ийн асуудал хариуцсан сайд Дэвид Дэвис Их Британи Брюсселиэс 2019 оны гуравдугаар сард сална гэж мэдэгджээ. Лондон үүний дараагаас Европын хөрөнгө оруулалтын банкинд хадгалагдаж байгаа Британийн 9 тэрбум фунтыг эргүүлэн тушаахыг шаардаж байгаа.

Харин Их Британийн Засгийн газар Европын холбооноос гарсны нөхвөр болгон 60 тэрбум евро төлөх ёстой гэсэн ЕХ-ны шаардлагыг хүлээж авахгүйгээ мэдэгдээд байна. Тус улсын Засгийн газрын хуульчид нөхөн төлбөр төлнө гэсэн ямар нэгэн хуулийн заалт байхгүй хэмээн үзэж байгаа юм.

Ш.МЯГМАР