НӨАТ-ын урамшууллын 2017 оны хоёр дахь удаагийн сугалааны тохирлын азтанг өнөөдөр 19.35 цагт тодруулна. Азтанг тодруулах тохирлыг “Боловсрол” телевизээр орон даяар шууд цацагдах юм.
Иргэд 2017 оны хоёрдугаар сарын 1-28-ны өдөр хүртэлх хугацаанд худалдан авалт хийсэн баримтаа бүртгүүлж сугалаанд оролцоно.
Баримтууд нь гуравдугаар сарын 18-ний 23.59 цагаас өмнө Цахим төлбөрийн баримтын системд бүртгүүлсэн байх ёстой.
Өнгөрсөн оны нэгдүгээр сарын 1-ээс эхэлж НӨАТ-ын тухай шинэ хууль хэрэгжиж эхэлснээр далд байсан орлогууд ил болж, аж ахуйн нэгж бүр татвараа шударгаар төлөх боломж, бололцоог бий болгож байгаа.
НӨАТ-ын орлого 2015 оныхоос 70 орчим тэрбум төгрөгөөр нэмэгдсэн гэх мэдээллийг татварын албанаас өгч буй.
Г.ХОРОЛ
