Зэвсэгт хүчний 96 жилийн ой, Монгол цэргийн өдөр өнөөдөр тохиож байна. Эх орныхоо эрх чөлөө, тусгаар тогтнолын төлөө цогтой тэмцэж ирсэн үе үеийн халуун эх орончдын үргэлжлэл болж, эх орноо батлан хамгаалах хариуцлагатай бөгөөд хүндтэй үйл хэргийг үргэлжлүүлж буй цэрэг эрс, айл гэрийн ноён нуруу болж яваа эр хүн танд баярын мэнд хүргэе.

Эр цэргийн баяр болж байгаатай холбогдуулан тоглолтын хуваарийг сонирхуулж байна.

ГУРАВДУГААР САРЫН 18:

Улсын Дуурь, бүжгийн эрдмийн театр: 17.00

А.Хачатурян "Спартак" балет. Тус балетад Ромын эсрэг боолын бослогын удирдагч Спартакийн тухай өгүүлдэг. Эмгэнэлтэй төгсгөлтэй ч үйл явдлаар түүхэн эрх чөлөөний баатарлаг тэмцлийг харуулдаг аж. Манай улсад 1984 оны тавдугаар сарын 5-ны өдөр балетмейстер УГЗ, Төрийн шагналт, Хөдөлмөрийн баатар Б.Жамъяндагва, Ардын зураач Ч.Гунгаасүх, удирдаач Төрийн шагналт, Ардын жүжигчин Ж.Чулуун нар  балетыг найруулан тайзны бүтээл болгосон түүхтэй юм байна.  “Спартак” балетыг өнөөдөр 17.00 цагт УДБЭТ-ын тайзнаа тоглоно.

Улсын Драмын эрдмийн театр: 15.00

Аугаа хайр дурлалын мөнхийн дуулал болсон “Парисын дарь эхийн сүм” сонгодог мюзикл жүжгийг 15.00 цагаас тоглоно.

Дүрүүдэд:

• Эсмеральда Н.Баярмаа
• Квазимода С.Болд-Эрдэнэ /СТА/
• Фроло хамба Г.Эрдэнэбилэг /СТА/
• Феб М.Түвшинхүү /СТА/
• Гренгуар Л.Дэмидбаатар /МУГЖ/
• Гудул Б.Нармандах /СТА/
• Клопен Б.Жаргалсайхан /МУГЖ/
• Лис Ц.Баясгалан /СТА/
• Олны хэсэгт театрын нийт уран бүтээлчид.

УЛААНБААТАР ЧУУЛГА

Тус театрын уран бүтээлчид үндэсний болон цахилгаан хөгжмийн зэмсгийг хослуулан шинэлэг өнгө төрх бүхий “5 Tones” тоглолтоо өнөөдөр 19в00 цагт толилуулна. Тоглолтод Улаанбаатар чуулгын гоцлол хөгжимчин болох хийлч Дээгий, ятга хөгжимчин Отгоо, ёочин хөгжимчин Бараа, лимбэчин Мийгаа, эвэр бүрээч Чинбаа нар болон “Хангарьд” үндэсний хөгжмийн найрал, цахилгаан хөгжмийн FIX хамтлагтай хамтран дэлхий даяар нэгэнт танигдсан, сэтгэлд хоногшсон дууны болон классик хөгжмийн бүтээлүүдийг шинэчилсэн найруулгаар тоглож үзэгч олондоо хүргэх юм.

УРАН БҮТЭЭЛЧИД:

• Ч.Дэлгэрцэцэг /Хийлч, СТА/
• О.Чинбат /Эвэр бүрээ хөгжимчин, СТА/
• Х.Бархүү /Ёочин хөгжимчин, СТА/
• Б.Отгончимэг /Ятга хөгжимчин, СТА/
• Б.Мягмарцэрэн /Лимбэ хөгжимчин, СТА/
• Р. Ганбат /Удирдаач, СТА/
• “Хангарьд” үндэсний хөгжмийн найрал
• Улаанбаатар чуулгын бүжигчид
• FIX хамтлаг

Тоглох хөгжмийн төрлүүд:

• Рок – попКлассик
• Модерн
• Фолк мюзик

Ерөнхий найруулагч: Р.Мөнхсайхан
Хөгжмийн зохиолч, продюсер: О.Чинбат
Туслах найруулагч: П.Урнаа
Дизайнер: Г.Чимэд
Маркетингийн менежер: Л.Одгэрэл, М.Энхтуул
Тасалбар борлуулагч: Улаанбаатар чуулгын билетийн касс, www.ticket.mn
Тасалбарын үнэ: Партер – 15,000₮, Бельэтаж – 10,000₮
Насны ангилал: 13-аас дээш
Тоглолтын үргэлжлэх хугацаа: 90 минут

Ч.БОЛ