Жинхэнэ мэргэжлийн хэмээн нэрлэгддэг байсан “Night Train” буюу “Шөнийн галт тэрэг” хамтлаг дахин нэгдэж, тоглолт хийх гэнэ. Тэдний хийсэн уран бүтээлүүд одоогоос 10 жилийн өмнө гарч байсан гээд бодоход үнэхээр тодорхойлж хэлж, илэрхийлж боломгүй чанартай байсныг дурьдах ч илүүц биз. Монголын рок алтернатив хөгжмийн түүхийг бичилцсэн энэ хамтлаг хэдийгээр тарсан ч энэ сарын 20-нд дахин нэг удаа цуглаж, тоглолт хийх гэнэ. Тэдний тоглолт Үндэсний соёл амралтын хүрээлэнд буюу Хүүхдийн паркт болох юм.  Өөрсдийн оршин байх цаг хугацаандаа үнэхээр гайхалтай түүхийг бичиж чадсан “Шөнийн галт тэрэг” хамтлагийн “Зөөлөн”, “Хайлсан шоколад” зэрэг дууг дахин амьдаар нь сонсох нь ээ.