“Hero Entertainment”-ийн бүтээл “Татар Ажиллагаа” кино  БНСУ-ын Пусан хотноо өнгөрсөн долдугаар сарын 4-24-ны хооронд болсон  “The 15th Puchon International Fantastic Film Festival” наадамд амжилттай оролцон  “Jury’ Choice”  буюу “Шүүгчдийн сонголт” шагнал хүртлээ.  Пусаны кино наадамд оролцсон уран бүтээлчид төдийгүй үзэгчид Монголын кино урлагийн хөгжлийг “Татар Ажиллагаа” киноны хийц, загвар, зохиол жүжигчдий ур чадвараар үнэлэн магтаж байсан төдийгүй Япон, Хойд Америкийн кино фестивальд оролцох урилгыг кино уран бүтээлчдэд ирүүлжээ. Түүнчлэн  “Татар ажиллагаа” кино өнгөрсөн хавар ОХУ-д болсон “Детективфест” олон улсын кино наадамд амжилттай оролцон, гуравдугаар байрт шалгарсан төдийгүй Италийн кино наадамд оролцон олон улсын кино шүүмжлэгчдээс сайн үнэлгээ авч сайшаагдаж байсан юм.