Их-20 орны сангийн сайд, банкны удирдлагууд Германд хуралдав.

Хоёр өдрийн уулзалтаар олон улсын худалдааны нээлттэй, чөлөөт байдлыг хадгалахаар санал нэгдсэн боловч нэгдсэн тохиролцоонд хүрч чадаагүй аж. Түүнчлэн Их-20 орны сангийн сайд нар хамтарсан мэдэгдлээсээ дэлхийн дулаарлын эсрэг тэмцэх тухай тунхгийг хассан байна.

АНУ-ын ерөнхийлөгч Дональд Трамп дэлхийн дулаарал бол “хууран мэхлэлт” хэмээн нэрлэж, Парисын гэрээг эсэргүүцсэн юм.

Сонирхолтой эдийн засаг булангийн энэ удаагийн дугаарт Их-20 орны тухай мэдээллийг онцолж байна.

• Их-20 гэдэг нь дэлхийн хамгийн том эдийн засагтай 19 орон ба Европын Холбооны сангийн сайд нар ба төв банкны удирдагчдын бүлгэм юм.

• Тэд нийлээд дэлхийн ДНБ-ны 90%, дэлхийн худалдааны 80%-г эзэлдэг.

• 1990-ээд оны санхүүгийн хямралыг даван туулах зорилгоор 1999 онд байгуулагдсан.

• Анхны уулзалт нь Германы нийслэл Берлин хотноо болж байв.

• “Их-8”-ынхан өөрсдийн улс орны эрх ашгийг өмнөө тавьдаг бол “Их-20” бусад хөгжиж буй эдийн засгийн ашиг сонирхлыг авч үздэгээрээ онцлог.

Б.ТУЯА