Зайсан дахь хүүхдийн 411 дүгээр хорих ангиас долдугаар 31-нд зургаан хоригдол оргожээ. Тус ангид хорих ял эдэлж байсан 16-18 насны зургаан эрэгтэй хүүхэд 31-ний өдөр 14.20 цагийн үед хорих ангийнхаа байранд цэвэрлэгээний ажил хийж байгаад оргосон байна. Хэрэгтнүүдийн нэгийг долдугаар сарын 31-нд буюу хорих ангиас оргосон өдөр нь нийслэлийн бүсээс хөдөлгөөнт эргүүлийн цагдаа нар барьсан байна. Харин нэгийг нь өчигдөр эрэн хайх ажиллагааны баг баривчилжээ. Одоогоор дөрвөн хоригдлыг эрж хайх ажиллагаа үргэлжилж байгаа аж. Одоогоор гэмт этгээдүүдийг хэрэхн яаж оргосныг тодруулахаар хорих ангид дотоод шалгалт хийж байгаа гэнэ. Үүнээс өөр мэдээлэл өгөх боломжгүй, эрлийн ажил үргэлжилж байгаа тухай албаны хүн мэдээллээ.