Борлуулалтаараа дэлхийн гар утасны зах зээлд түүхэн амжилт тогтоосон Nokia 3310 гар утас дахин худалдаанд гарах гэж байгаа. Анх 2000 онд зах зээлд гарч байсан энэ гар утас одоо цэнэг барих чадвар нь хэд дахин нэмэгдсэн, камертай, басхүү өнгөт дэлгэцтэй болж гарах гэнэ.

Тэгвэл, орчин цагийн 3310 яг ямар үзүүлэлтэй, ямар үнээр, хэдийд худалдаанд гарах вэ?

ХЭЗЭЭ, ЯМАР ҮНЭЭР ХУДАЛДААНД ГАРАХ ВЭ?

Nokia брэндийг ашиглах эрхийг эзэмшиж буй Финляндын HMD Group одоогоор 3310 гар утас яг хэзээ худалдаанд гарах өдрийг зарлаагүй байна. Урьдчилсан байдлаар ирэх зун гарна гэсэн хүлээлт байгаа юм.

Үнийн хувьд 49 евро. Хамгийн анх 2000 онд 3310 худалдаанд гарахдаа 129 еврогийн үнэтэй байсан юм.

ЯМАР ҮЗҮҮЛЭЛТТЭЙ БАЙХ ВЭ?

Шинэ загварын 3310 нь анхны хувилбараасаа арай нимгэн, хөнгөн байна. Бас 2,4 инчийн өнгөт дэлгэцтэй. Өнгөний хувьд улаан, шар, хөх, саарал гэсэн дөрвөн сонголттой.

Асаалттай горимд цэнэгээ 30 хоног хадгална, нэг удаагийн цэнэглэлтээр ярих горимд 22 цаг ажиллана. Дотоод санах ой нь 16GB. Мөн мемори картны оролттой, 2,0 мегапиксел камертай, ФМ радиотой, 2,5G хурдаар интернэтэд холбогдоно. Жингийн хувьд 79,6 грамм. Харин өмнөх загвар нь 133 грамм байсан юм.

Шинэ 3310-т WiFi болон GPS холболт байхгүй, Facebook, WhatsApp, эсвэл Instagram зэрэг аппликейшн суулгах боломжгүй гэнэ.

АНХНЫ ЗАГВАРТАЙ ХАРЬЦУУЛБАЛ

С.ЦЭЛМЭГ