Парламентаа тараахаар шийдэв | News.MN

Парламентаа тараахаар шийдэв

Хуучирсан мэдээ: 2011.08.02-нд нийтлэгдсэн

Парламентаа тараахаар шийдэв

Испанийн социалистуудын Зас­гийн газар парламентыг тарааж, ирэх арваннэгдүгээр сард ээлжит бус сонгууль явуулахаар шийдсэнээ зар­лав. Тавдугаар сард орон нутгийн сонгуульд ялагдсан социалистууд таатай нөхцлийг ашиглан дахин дөрвөн жилээр засаг барих сонирхолтой байна.

Испанийн ажилчны социалист намыг төлөөлдөг ерөнхий сайд Хосе Луис Родригес Сапатеро найм­дугаар сарын амралтын өмнөх Зас­гийн газ­рын сүүлчийн хуралдаан дээр парламентыг тарааж Ерөнхий кор­тесийн ээлжит бус сонгуулийг ирэх арваннэгдүгээр сарын 20-нд явуу­лахаар шийдсэнээ зарлажээ. Уг нь ээл­жит сонгууль ирэх жилийн гу­рав­дугаар сард болох ёстой байсан юм.

Ээлжит бус сонгууль даран­гуй­лагч Франсиско Франкогийн төр­сөн өдөртэй давхцлаа. Өдөр ийнхүү давхцсанд анхаарал хандуулахгүй байхыг Сапатеро уриалав. “Тэр нь миний хувьд ямар ч утга санааг илэрхийлэхгүй” гэж хэлсэн ерөнхий сайдын хэлснийг АВС сонин иш татсан байлаа. Сонгууль болсноор парламент болон Засгийн газрын хууль тогтоох үйл ажиллагаа төгсгөл болно. 2012 оны нэгдүгээр сарын 1-нд шинэ Засгийн газар ажилдаа орох ёстой. Сонгуулийн товыг санал хураалтаас 55 хоногийн өмнө буюу есдүгээр сарын 26-нд албан ёсоор зарлаж, Ерөнхий кортес тарах юм.

Сапатеро парламентыг тараах шийдвэрт нь “сонгуулийн ашиг гар­гах” сонирхол байгаа гэдэгт үгүйс­­гэсэн хариултыг өгч байна. Гэхдээ шинжээчид социалисттууд өсч бай­гаа чансаагаа ашиглан дахин дөрвөн жил засаг барих  сонирхолтой гэж үзэж байгаа юм. Засгийн газрынх нь эдийн зас­гийн амжилт нь Сапатерогийн яриа­ны гол сэдэв болж байна. “Парламент ажиллагааныхаа хоёрдугаар хагаст төлөв­лөсөн зорилгуудынхаа ихэн­хийг амжилттай гүйцээж чадлаа. Эдийн засгийн сэргэлт нь  ажлын байр­ны салбар зэрэгт таатай  шинж чанарыг харуулж эхэллээ” гэж ерөнхий сайд тэмдэглэв. 

2011 оны хоёрдугаар улиралд тус орны ажилгүйдэл өмнөх улирлаас 1,56 хувиар улирлаас буурсан байна. Жилээр авч үзвэл бууралт тийм ч  мэдэгдэхүйц биш дөнгөж 0,4 хувь болж, 20,89 хувийн төвшинд хүрчээ. Гэхдээ ажилгүйдэл тогтмол өсч байсан сүүлийн хоёр жилтэй харьцуулахад энэ нь том амжилт юм.

Гэхдээ Испанийн эдийн засгийн байдал ээдрээтэй хэвээр байгаа юм. Ээлжит бус сонгууль явуулах мэ­дээ нь Moody’s агентлаг тус орны зээ­лийн чансааг буулгахаар бэлтгэж байгаа­тай давхцав. 

Социалистууд сонгуульд шинэ лидер, Дотоод хэргийн сайд байсан Альфредо Перес Рубалькабагийн удирдлагаар оролцох юм байна. Сапа­теро намынхаа нөхдийн удирдлагаа шинэчлэн чансаагаа өсгөх хүсэлд нь удаан эсэргүүцэл үзүүлж байгаад ар­гагүйн эрхэнд зөвшөөрсөн.” Antena 3” теле суваг мэдээлснээр нэг­дүгээр байранд Рубалькабаг гаргаж ирсэн нь Испанийн нийгэм­лэгт эерэг сэтгэгдэл төрүүлэн сонгуу­лийг урагш татах боломжийг социа­листуудад өгчээ. Испанийн Олон ний­тийн санаа бодлыг судлах төвийн мэдээ­гээр социалистууд барууны чиг­лэлийн  Ардын намаас хоцорч явс­наа багасгаж чадсан байна. Хэрэв сон­гууль ойрын үед явагдвал Ардын нам 43,1 хувь, социалистууд 36 хувь­тай байхаар байна. Дөрөвдүгээр сард энэ чансаа 43,8 болон 33,4 хувь байжээ. Үүний зэрэгцээ  Руба­лькабагийн нэр хүнд сөрөг хүчний ли­дер  Мариано Рахойгоос дээгүүр байгаа ажээ. I Хуан Карлос хааны хамжлагтуудын 39,9 хувь нь социалистуудын шинэ лидерийг  ерөнхий сайд байх ёстой гэсэн бол Рахойг 31,9 хувь нь ерөнхий сайд болно гэж үзжээ.

Баруунтан сөрөг хүчин өнгөрсөн тавдугаар сард орон нутгийн сон­гуульд ялснаа сануулан байж парла­ментыг тараах шийдвэрт нь баяр хүр­гэж байна. Ардын намын төв бай­ранд сэтгүүлчдийг цуглуулсан Рахой Засгийн газрын шийдвэрийг испа­ничуудын ихэнх хүлээж байсан сайн мэдээ гэж мэдэгдлээ. Тавдугаар сарын сүүлчээр Испанид орон нутгийн  хууль тогтоох байгууллагуудын сон­гууль болон Ардын намынхан нийт дүнгээр 37,54 хувийн санал аван итгэлтэй ялалт байгуулсан  Социа­листууд 17 автономит мужийн ган­цад нь ч ялалт байгуулаагүй бөгөөд нийтдээ 27,79 хувийн санал авсан юм. Сапатерогийн долоон жил эрх барьс­ны дараа социалистуудаас зүү­ний залуус нь нүүр бууруулсан. Тав­дугаар сарын 15-нд Испани даяар сонгуульд оролцохгүй бай­хыг уриалсан эсэргүүцлийн ажил­лагаа явагдан тэр үед сэтгэл дун­­­дуур зүүний залуус  анх удаагаа Мад­ридын Пуэрта дель Соль талбайг эзэл­сэн бөгөөд өнөөг хүртэл талбайд бай­саар байна.

Ш.МЯГМАР

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

уншигч 2011-08-02 202.126.91.235

Ингэж болдог юм байх даа манайд бол болохгүй гадаадад тэгдэг ингэдэг гэдэг боловч хэрэгжүүлж чадахгүй л байх даа хэ хэ

Avatar

Зочин 2011-08-02 124.158.110.61

Ямар ард түмэн байна тийм л төр засагтай байдаг юм гэнэ лээ хө

Avatar

ЭРХЭМ ГИШҮҮН 2011-08-02 203.91.117.4

УЛС ОРНОО БОДДОГ ХҮНД ЭНЭ Ч ТУН АЯТАЙХАН Л СОНСОГДОЖ БАЙНА МАНАЙ ХЭДЭН ГИШҮҮН АВЧ ГҮЙЦЭЭГҮЙ АВИЛГА АВДРАНДАА ХИЙЖ АМЖААГҮЙ ИХ ХӨРӨНГӨ НҮДИЙГ НЬ СЭРГЭЭЖ ШҮДИЙГ НЬ ХУРЦАЛЖ БАЙГАА БОЛОХООР ИЙМ ЮМ БОДОХ СӨХӨӨТЭЙ АМЬТАН НЭГ Ч БАЙХГҮЙ ДЭЭ АЙ ХӨӨРХИЙ БИДНИЙГ ИДЭЭД ИДЭЭД БАС ДАХИН ИДЭЭД БАЙХАД ХОТОЙДОГГҮЙ БАЯЛАГ ХУУРААД МОЛГИДООД ШОРОО ҮМХҮҮЛЭЭД БАЙХАД ХАШИРДАГГҮЙ МААНАГ СОНГОГЧИДТОЙ БОЛОХООР САЙХАН Ч ЮМАА ДАА АЙН

NewsMN Гар утасны хувилбар Татах
NEWS.mn

Мэдээллийн эх сурвалж