ЕБС-ийн шинэ сурах бичгүүд хэвлэлтээс гарч орон нутаг болон нийслэлийн сургуулиудад хэдийнэ хуваарилжээ. Албаны хүний мэдээлснээр энэ жилээс ерөнхий боловсролын сургуулиуд 12 жилийн сургалтын системд шилжиж байгаа тул дөрөв, есдүгээр ангийн сурагчдын нийт 33 нэр төрлийн 700 мянга гаруй сурах бичгийг шинээр хэвлүүлсэн байна. Мөн дахин ашиглах боломжгүй болсон, хуучирсан сурах бичгүүдийг нөхөх зорилгоор энэ онд нийт 32 нэр төрлийн 45 мянга гаруй сурах бичиг нэмж хэвлүүлжээ.