Зээл болон хадгаламжийн хүү буурчээ | News.MN

Зээл болон хадгаламжийн хүү буурчээ

Хуучирсан мэдээ: 2011.08.01-нд нийтлэгдсэн

Зээл болон хадгаламжийн хүү буурчээ

Монголбанк энэ оны эхний хагас жилийн байдлаар харилцах, хадгаламж болон зээлийн жилийн дундаж хүүний статистик мэдээллийг гаргажээ. Монголбанкны бодлогын хүү одоогийн байдлаар 11,5 хувь байгаа бол арилжааны банкуудын зээлийн дундаж хүү жилийн 16,2 хувь байна. Энэ хүү өнгөрсөн оны зургадугаар сард 19,7 хувь байсан бол наймдугаар сард хамгийн өндөр төвшинд буюу 20,4 хувь байжээ. Зээлийн хүү буурснаар иргэд аж ахуйн нэгжийн арилжааны банкуудаас авах зээлийн хүү буурч, тэдэнд таатай нөхцөл бүрдэж байна гэж үздэг.

Дээрх статистикаас харахад, зээлийн хүү буурахын зэрэгцээ хадгаламжийн хүү буурсан байна. Хадгаламжийн хүү /төгрөгийн/ энэ оны эхний хагас жилийн байдлаар 10,3 хувь байгаа бол өнгөрсөн оны мөн үед 11,9 хувь байсан байгаа юм. Хадгаламжийн хүү 11,9 хувь байсан нь өнгөрсөн 12 сарын хугацаанд хамгийн өндөр хэмжээ байжээ.

Тэгвэл харилцах дансны хүүгийн хэмжээг харъя. Энэ оны зургадугаар сарын байдлаар гурван хувь байгаа бол өнгөрсөн оны мөн үед 2,9 хувь байжээ. Харин 2010 оны аравдугаар сард харилцахын хүү огцом өсч 3,5 хувь хүрч, үүнээс хойш бага хэмжээгээр буурсаар дээрх хэмжээнд хүрчээ.

Б.СҮРЭН

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж