"Изинис Эйрвэйз" компани энэ сарын энэ сарын 3-наас буюу нөгөөдрөөс Өмнөговь аймгийн Цогтцэций сумын нутагт байрлах Тавантолгойн нисэх буудал руу тогтмол нисэхээр болжээ. Долоо хоногт гурван удаа буюу мягмар, пүрэв, бямба гаригт 93 хүний суудалтай, дөрвөн тийрэлтэт хөдөлгүүртэй "Ар-Жэй 85" маркийн агаарын хөлөг үйлчлэх юм. Улаанбаатар-Цогтцэций чиглэлийн нислэг нь нийслэлээс өглөөний 08.00 цагаас хөөрч, Тавантолгойн нисэх буудалд 09.10 цагт буух гэнэ.

Цогтцэций сум нь аймгийн төв Даланзадгадаас 100 км-т орших бол тус сумын төвөөс 15 км зайд Тавантолгой чулуун нүүрсний ил уурхай байрладаг юм.