Монголын үндэсний сагсан бөмбөгийн холбоо, Монголын сагсан бөмбөгийн холбооноос хамтран зохион байгуулсан эрэгтэй U14, эмэгтэй U13 насны өсвөрийн УАШТ “Мон-Алтиус” биеийн тамирын дээд сургууль дээр өнгөрөгч долоо хоногт болсон билээ. Тэмцээний дүн гарахад хөвгүүдээс Д.Лхагва дасгалжуулагчтай “Ирээдүй” цогцолбор сургууль, охидоос Н.Саранцэцэг дасгалжуулагчтай 60-р сургууль аваргаар шалгарчээ.
ДҮН:
Хөвгүүдийн U14 насны ангилалд
- Алтан медаль: Д.Лхагва дасгалжуулагч Ирээдүй цогцолбор сургууль
- Мөнгөн медаль: Ц.Үүрдсайхан дасгалжуулагчтай Багануур дүүрэг
- Хүрэл медаль: Г.Ундрах дасгалжуулагчтай Орчлон Ранжерс
Охидын U13 насны ангилалд
- Алтан медаль Н.Саранцэцэг дасгалжуулагчтай 60-р сургууль
- Мөнгөн медаль Б.Батсүрэн дасгалжуулагчтай Баянхонгор аймаг
- Хүрэл медаль Б.Пүрэвсүрэн дасгалжуулагчтай Баянгол дүүрэг
Энэ жилийн улсын аваргад эрэгтэй 18, эмэгтэй 9 багийн тамирчид өрсөлдөж, эндээс өсвөрийн шигшээ багийг шалгаруулсан. Тодруулбал, тус тэмцээнээс шалгарсан өсвөрийн шилдэг эрэгтэй, эмэгтэй 30 тамирчныг сонгож, шигшээ багийг бүрдүүлжээ. Эдгээр тамирчид ирэх дөрөвдүгээр сарын 4-13-ны өдрүүдэд ХБНГУлсын Берлин хотноо болох Олон улсын тэмцээнд эх орноо төлөөлөн оролцох юм.
Ч.БОЛ
