Адал явдалт “Cowboys & Aliens” кино тун удахгүй “Өргөө” кино театрт гарч эхлэх нь ээ. Найруулагч Jon Favreau-гийн ээлжит шинэ бүтээл болох “Cowboys & Aliens” кинонд Холливудын алдарт жүжигчин Daniel Craig, Harrison Ford, Olivia Wilde нар гол дүрд нь тогложээ. Тус киног хатуу чангаараа алдартай өрнөдийнхөн харийнхантай дайтдаг талаарх 2006 онд гарсан туужаар сэдэвлэн хийжээ. Кино 1973 оны Аризоны цөлд эхлэх бөгөөд Jake Lonergan (Daniel Craig) ой ухаанаа алдсан байдалтайгаар сэрэх аж. Тэрбээр өмнө нь юу болсныг огтхон ч санахгүй, гарт байгаа зүйл нь юу болохыг ч мэдэхгүй. Ингээд аялалд гарч гэмт хэрэгтнүүдээрээ алдартай Absolution хэмээх сууринд ирнэ. Тэнд Jake төмөр нударгаараа алдартай гэмт хэрэгтэн Colonel Dolarhyde (Harrison Ford) таарах бөгөөд удалгүй тус суурин харийнхны халдлагад өртсөнөөр киноны адал явдалт хэсгүүд эхлэх ажээ. Harrison Ford-ийн хувьд энэ кино магадгүй ковбой байх түүний хамгийн сүүлийн уран бүтээлч байж болох юм. Учир нь түүний алдарт “Indiana Jones” -ийн цувралд Shia Labeouf тоглохоор болсон юм.