Тахиа жилийн сар шинийн барилдаанд хэн түрүүлэх тухай үзэгчид өөр өөрийн таамгийг дэвшүүлж суугаа.

Юуны өмнө өнгөрсөн жилийн цагаан сарын барилдаан хэрхэн өрнөснийг эргэн саная.

Өнгөрсөн жил буюу билгийн тооллын XVII жарны “Муу нүүрт” хэмээх Гал бичин жилийн сар шинийн баярт зориулсан Улс, аймгийн алдар цолтой 256 бөхийн барилдаанд Монгол Улсын харцага Ц.Содномдорж анх удаагаа түрүүлж, аварга Г.Эрхэмбаяр үзүүрлэж байв. Харин Их шөвөгт Ховд аймгийн Чандмань сумын харьяат, улсын харцага Н.Батзаяа, Увс аймгийн Тэс сумын харьяат, улсын начин Т.Баасанхүү нар шалгарч, олныг баясгажээ.

Өнгөрсөн жилийн Үндэсний их баяр наадмын түрүү бөхөөр тодорч, улсын аварга цол хүртсэн Ч.Санжаадамба нодлингийн цагаан сараар шөвгийн наймд үлдээд, улсын харцага Т.Баасанхүүд өвдөг шороодож байв.

Харин энэ жил аварга Ч.Санжаадамба, шинэ арслан Р.Пүрэвдагва нарын чансааг бөх сонирхогчид зайлшгүй харахыг хүсч буй. Тэр тусмаа энэ хоёр бөхийг түрүү, үзүүрт хүрнэ гэж таамаг дэвшүүлэх хүн цөөнгүй байгаа бололтой.

Цол дагаж бяр гэдэгчлэн ялангуяа Р.Пүрэвдагва арслан наадамд үзүүрлэснээсээ хойш заал, танхимын барилдаанд тогтмол дээгүүр барилдаж, бөхчүүдийн чансааг тэргүүлж байгаагаас харахад, цагаан сараар дээгүүр даваанд өрсөлдөх бөхөд зүй ёсоор орж таарах байх.

МҮБХ-ноос хамгийн сүүлд буюу арванхоёрдугаар сарын сүүлээр танилцуулсан чансааг дараах бөхчүүд тэргүүлж, эхний аравт бичигдсэн байгаа.

1. Улсын арслан Р. Пүрэвдагва – 17067 оноо
2. Улсын заан Б.Пүрэвсайхан – 15637 оноо
3. Улсын харцага Т.Баасанхүү  – 15145 оноо
4. Улсын харцага Ц.Содномдорж – 13745 оноо
5. Улсын аварга Г.Эрxэмбаяр – 13233 оноо
6. Улсын гарьд Б.Гончигдамба – 12795 оноо
7. Улсын аварга Ч.Санжаадамба – 12662 оноо
8. Улсын арслан Н.Батсуурь – 12567 оноо
9. Улсын начин Э.Даш – 12027 оноо
10. Улсын харцага Б.Бат-Өлзий – 11915 оноо

ЦАГААН САРЫН БАРИЛДААНД ТҮРҮҮЛЖ, ҮЗҮҮРЛЭСЭН БӨХЧҮҮД

(1963-2016 он)
 

Б.ЭНХ