Норвегийн нийслэл Осло хот болон Утойя аралд террор халдлага үйлдсэн Андерс Брейвик өөр халдлага хийхээр төлөвлөж байсан тухай прокурор Паал-Фредрик Хьорт Крабю мэдэгдлээ. Брейвик мөрдөн байцаалтын явцад Норвегийн эзэн хааны ордонг болон Ажилчны намын байрыг дэлбэлэх төлөвлөгөөтэй байсан тухайгаа хүлээсэн байна.

Брейвикийн 1500 хуудастай тунхаг бичгийг судалсны дараа Английн шүүхийн сэтгэл зүйч Майл Берри “Тэр нэг бол галзуу, эсвэл маш хорон санаатай нэгэн” гэж бичсэн юм. “Хэрвээ галзуу бол нийгэм түүнийг ойлгоход арай хялбар байх юм” гэжээ. Түүнчлэн Норвегийн жижиглэнгийн худалдааны сүлжээ дэлгүүрүүд Брейвикийн өдрийн тэмдэглэлдээ бичсэн хүчирхийллийг санагдуулах элемент бүхий компьютерийн тоглоомуудыг лангуунаас хураахаар шийдвэрлэсэн юм.