Их Британийн Цог жавхлант Хатан хаан Элизабет хаан ширээнд суусныхаа 65 жилийн ойг хоёрдугаар сарын 6-ны өдөр ёслол төгөлдөр тэмдэглэлээ. Хааны ордны торгон цэргүүд жагсч, ёслолын буудлага хийжээ. Ойд зориулан дурсгалын зоос, шуудангийн марк гаргажээ.

Хатан хаан Элизабет Британийн хаанд ширээнд хамгийн удаан буюу тасралтгүй 65 жил суусан анхны язгууртан болж байгаа юм.

Элизабет 1952 онд хаан эцэг VI Жорж таалал төгссөний дараа хоёрдугаар сарын 6-нд 25 насандаа хаан ширээ залгамжилсан юм. Тэрбээр Их Британийн 12 Ерөнхий сайд солигдохыг үзсэн хүн юм.

Өнгөрсөн оны дөрөвдүгээр сард Хатан хаан 90 насны ойгоо тэмдэглэсэн. Сүүлийн үед Хатан хааны бие чилээрхүү байгаа мэдээ дуулдаж байгаа. Өнгөрсөн зул сарын баяраар тэрбээр бие нь чилээрхсэн учраас сүмийн мөргөлд очоогүй билээ.

А.ТУЛГА