3,423.28
Боловсрол суваг телевизийн кино код шоу нэвтрүүлгийн кодыг үзэгчид амжилттай тайлж, сонирхолтой сонголтуудыг хийсээр ирсний үр дүнд, түүхэн төрөл жанрын, манжийн дарлалын эсрэг тэмцэгч шилийн сайн эр “Ганган Төгс”-ийн тухай кино бүтээгдэх болсон. Харин энэ цаг үед “ард түмний” гэх хүндтэй тодотголыг авсан ирээдүйн киноны дүр төрх чухам хэн байх вэ гэдэг асуулт олны анхаарлын төвд байна. Киноны ерөнхий найруулагч Б. Баатарын хувьд ч жүжигчдийн сонголтыг хийх хариуцлагатай мөчийн өмнө ирээд буй. Тиймээс ч мэргэжлийн жүжигчид болон кино код проб шоуны оролчогчдыг удаа дараалан пробонд оруулж дүрээ хувиарлаж байна. Сонголт хийхэд хамгийн хүндрэлтэйн дээр үзэгчдийн сонирхлыг татаж буй дүр бол Ганган Төгс. Гол дүрд
Kино код проб шоуны оролцогч Г. Бямбадорж
УДЭТ-ын жүжигчин Г.Эрдэнэбилэг
УДЭТ-ын жүжигчин А. Алтантөр
УДЭТ-ын жүжигчин П. Баттөр
Дуучин, жүжигчин М. Мягмар
нар өрсөлдөж байна. Чухам хэн гол дүрд сонгогдох нь үзэгчдийн саналаас хамаарна. Та өөрийн дэмжиж буй оролцогчдоо саналаа өгөхийг хүсвэл movie.news.mn сайтын санал асуулгад оролцохоос гадна, дэмжиж буй оролцогчийнхоо нэрийг 155068 дугаар луу мессэжээр илгээгээрэй. Мөн өнөөдөр буюу 7-р сарын 29-ний Баасан гарагийн 22 цагийн шууд нэвтрүүлгээр 1970 утсанд холбогдож жүжигчдийг дэмжих боломжтой. Нийт саналуудын дүнг нэгтгэн Ням гарагийн 21 цагийн шууд нэвтрүүлгийн үеэр гол дүрд тоглох жүжигчинг шалгаруулах болно. Та кино код нэвтрүүлгийнхээ хамгийн сонирхолтой агшинд хамт байх аа бүү мартаарай.
