Саяхан болсон “Playtime-2011” амьд хөгжмийн наадамд бут авсан “Нисванис” хамтлагийн залуус ирэх намар тоглолт хийх гэнэ. Жил бүрийн дөрөв, есдүгээр сард тоглолт хийж, үзэгч, сонсогч фэнүүдээ баярлуулдаг тэдний тоглолт хэдийнэ уламжлал болжээ. Иймд “Нисванис”-ын үнэнч фэнүүд тоглолтыг нь хоног тоолон хүлээж суугаа биз. Таатай мэдээ дуулгахад тэд ирэх есдүгээр сарын 18-нд “УБ Палас”-т тоглолт хийхээр төлөвлөөд байгаа аж. Харин хамтлагийн ахлагч Амгаагийн хувьд одоогоор амралт авч, Дундговь аймагт яваа аж. Удахгүй аав болох гэж буй Амгаа мөн л ирэх жилээс нижгэр хурим хийхээр сураг сонсдоно лээ.