АНУ-ын Ерөнхийлөгч Дональд Трамп НАТО-гийн ерөнхий нарийн бичгийн дарга Йенс Столтенбергтэй утсаар ярьж ирэх тавдугаар сард уулзахаар тохирлоо. Сонгогдохоосоо өмнө Дональд Трамп НАТО-г өөрчлөх хэрэгттэй хэмээн мэдэгдэж байсан.

НАТО-гийн гишүүний татвараа төлж чадаагүй орнуудад туслахаасаа өмнө АНУ хоёр удаа бодож үзэх хэрэгтэй хэмээн Трамп хэлжээ. Өнөөдрийн байдлаар НАТО-д 27 гишүүн орон байгаа бөгөөд тус байгууллагын дүрэм ёсоор гишүүн орон ДНБ-ийхээ хоёр хувьтай тэнцэх татварыг төлөх ёстой.

НАТО-гийн ерөнхий нарийн бичгийн дарга Столтенберг гишүүн орнууд татвараа бүгд төлөхгүй байгаа, мөн гишүүн орнуудын оруулах хувь нэмрийг нэмэгдүүлэх шаардлагатай гэдгийг хүлээн зөвшөөрчээ. Түүний хэлсэнээр НАТО-гийн төсвийг 70 хувийг АНУ бүрдүүлж байгаа ажээ.

Гэсэн АНУ-ын үе үеийн тэргүүн нар Европ тивд энх тайван сахиулж, аюулгүй байдлыг хангахын стратегийн ач холбогдлыг ойлгож байсан гэдгийг Столтенберг мөн сануулсан байна.

А.ТУЛГА