Nintendo компани хамгийн сүүлд гаргаад буй 3D тоглоомын Nintendo 3DS консолоо 249.99 ам.долларын үнээр худалдаалж буй. Харин тус компанийнхан хэрэглэгчиддээ зориулан томоохон бэлэг барих болсноо зарлалаа. Ирэх сарын 12-ны өдөр Nintendo 3DS консолыг 169.99 ам.долларын үнээр худалдан авах боломжтой аж.
Тэд худалдаж байсан үнийг 32 хувь хямдруулж, 169.99 ам.доллараар зарах болсон энэхүү алтан боломжийг тоглоомын хорхойтнууд алдалгүй ашиглахыг уриалжээ.
Nintendo консолынхоо үнийг “навс” хямдаруулсан шалтгааныг Bloomberg сайтад бүтээгдэхүүний борлуулалт тооцоолж байснаас доогуур байсантай холбон тайлбарлаж байна.