Монгол Улсад Мэдээлэл, Шуудан, харилцаа холбоо, технологийн салбар үүсч байгуулагдсаны 90 жилийн ойг тохиолдуулан Нийслэлийн мэдээллийн технологийн газрын удирдлагууд Мэдээлэл, харилцаа холбоо технологийг хөгжүүлэхэд үр бүтээлтэй ажилласан харъяа байгууллагын ажилтан, албан хаагчдаа Ардын хувьсгалын 90 жилийн ойн медаль ИТХ, НЗД-ийн нэрэмжит шагналуудаар өнөөдөр шагнаж урамшууллаа.

Шагналыг Нийслэлийн ИТХ-ын Нарийн бичгийн дарга Ж.Батбаясгалан, НЗДТГ-ын төрийн захиргаа удирдлагын хэлтсийн дарга Ү.Ганболд, Мэдээлэл, шуудан, харилцаа холбоо, технологийн газрын дарга Н.Бат-Эрдэнэ, Нийслэлийн мэдээллийн технологийн газрын дарга Я.Сод-Эрдэнэ нар гардуулж ойн баярын мэндчилгээ дэвшүүлсэн юм.

Нийслэлийн Иргэдийн Төлөөлөгчдийн хурал “Хүндэт үнэмлэх” – ээр Ус сувгийн удирдах газрын Компьютерийн инженер, програмч Б.Амгалан, Улаанбаатар хотын нийтийн аж ахуйг сайжруулах хоёр дахь төслийг удирдах нэгжийн мэдээллийн ажилтан Э.Батжаргал, Радио телевизийн сүлжээ УТҮГ-ын механик, хөргөлтийн инженер Б. Ганбаатар, Радио телевизийн сүлжээ УТҮГ-ын дарга Л. Туул, Скайтел ХХК-ын байгууллагын борлуулалт хариуцсан мэргэжилтэн Д. Энхтайван нар Нийслэлийн Засаг дарга бөгөөд Улаанбаатаар хотын захирагчийн Жуух бичиг-ээр Радио телевизийн сүлжээ УТҮГ-ын Ерөнхий нягтлан бодогч Д.Ариун, Радио телевизийн сүлжээ УТҮГ-ын ээлжийн инженер Д.Бямбасүрэн, Улаанбаатар хотын төв номын сангийн мэргэжилтэн Ж.Бэгзсүрэн, Скайтел ХХК-ны Сувгийн борлуулалтын хэлтсийн захирал Т.Амартүвшин, Нийслэлийн мэдээллийн технологийн газрын ахлах мэргэжилтэн Д.Энхсайхан, Нийслэлийн мэдээллийн технологийн газрын ахлах мэргэжилтэн Э.Амар-Янзага, Нийслэлийн мэдээллийн технологийн газрын мэргэжилтэн Г.Энхзул нар шагнуулж хийж бүтээсэн хөдөлмөрөө төр түмэндээ үнэлүүллээ.