Монголын хөлбөмбөгийн холбооноос жил бүр уламжлал болгон зохион байгуулдаг Идэрчүүдийн футзалын улсын аварга шалгаруулах тэмцээний шигшээ шатны сугалааны үйл ажиллагаа өнөөдөр боллоо.

Идэрчүүдийн футзалын УАШТ-ий талын, төвийн, хангайн бүсийн тоглолтууд энэ сарын 04-09-ний хооронд болсон бол Улаанбаатар хотын бүсийн тоглолтыг 10-23-нд явуулсан билээ. Маргаашаас эхлэн дөрвөн бүсээс шалгарсан 15, 17 насны шилдэг багууд шигшээ шатны тоглолтуудаа хийж, ирэх хоёрдугаар сарын 11-ий өдөр аваргуудаа тодруулна.

Түүнчлэн шигшээ шөвгийн наймд үлдсэн 15, 17 насны багууд гуравдугаар сард "Идэрчүүдийн футзалын лиг"-т өрсөлдөх эрхээ авдаг уламжлалтай юм.

Өнөөдөр болсон сугалааг орон нутгийн багууд төдийгүй нэг бүсийн, нэг хэсгийн багууд хоорондоо таарахгүй гэсэн зарчимаар явуулж, багууд дараах байдлаар оноолт таарчээ.

Б.ЭНХ