Саяхан Шведэд болсон бөмбөгтэй хоккейн Дэлхийн аварга шалгаруулах тэмцээнд амжилттай оролцож, хүрэл медаль хүртсэн баг тамирчид өнөөдөр эх орондоо ирлээ. Тэд сэтгүүлчдэд мэдээлэл хийсэн юм.

Монголын багийг Г.Тамир ахалсан бөгөөд дасгалжуулагчаар А.Мэргэн, М.Отгонбаяр нарын удирдлагад 19 тамирчин Шведийг зорьжээ. Тэдний дунд гурав нь орос легионер тамирчид юм.

Олон улсын бэндигийн холбооноос энэхүү спортыг хөгжүүлэхийн тулд тухайн улсын багт легионер тамирчид тоглохыг зөвшөөрдөг байна. Тиймээс Монголын багт Роман Мурзин, Игорь, Максим нар хүчин зүтгэсэн. Мөн бусад багуудад ч легионер тоглогчид олон байжээ. Канад, Унгар, Укриан зэрэг орнууд гадны тоглогчидтай байсан байна.

Шведийг зорьсон манай баг тамирчид Улаанбаатараас Эрхүү хүртэл “Prius 20” хөлөглөжээ. Багаараа явж байгаа учраас зардлаа хэмнэж, Эрхүү хот хүртэл машинтай явсан байна. Гэхдээ тэд Шведэд очиж, түүхэн ялалтыг байгуулан эх орондоо ирлээ. Одоо хоккейн баг тамирчдыг энэ сарын 19-д Японы Саппоро хотноо эхлэх Азийн өвлийн VII наадам хүлээж байна.

Дэлгэрэнгүй мэдээллийг эргэн хүргэнэ.

Ч.БОЛОР