3,573.76
АНУ-ын тэргүүн хатагтай Мишель Обама нөхрөө огцорсны дараа улс төрд орохгүй гэнэ. “Миний хариулт бол “Үгүй”. Цэг, гүйцээ” гэж AARP The Magazine сэтгүүлд дэд ерөнхийлөгч Жо Байдены эхнэр Жилл Байдены хамт ярилцлага өгөхдөө тэрээр хэлжээ. “Миний бодлоор Жилл бид хоёр сонирхолтой зүйлээ хийж байгаа болохоор сэтгэл ханамжтай байна” гэж тэрээр онцлов.Улс төр судлаачдийн зарим нь Мишель Обама нөхрийгөө ажлаа орхисны дараа Хиллари Клинтон шиг улс төрд орж ирнэ хэмээн таамаглаж байгаа юм. Тэдний зарим нь хэдэн жилийн дараа Мишель Обама Иллинойс мужаас сенатад зүгээр л орж ирэн нөхрийнхөө сууж байсан дээд танхимын суудлыг эзэлж чадна гэж үзсэн юм.
“Нас бие гүйцээд ирэхээр энэ амьдралд юу хэрэгтэйгээ улам бүр тодорхой ойлгоод эхэлдэг. Улстөрч байх нь… Би хэзээ ч улстөрч байхыг хүсээгүй” гэж тэрээр хэлэв.
Байдены эхнэр ч улстөрч байх хүсэлгүй байна. “Энэ бол миний хүсэл биш. Би сонгуулийн тэмцэлд оролцохыг хэзээ ч хүсээгүй” гэж Жилл Байден хэлсэн байв.
Ш.МЯГМАР
