“Моngolia`s Next Top Model” шоуны гурав дахь дугаар өнгөрөгч ням гаригийн /2017.01.22/ үдэш “Боловсрол суваг” телевизээр гарлаа.

Энэ удаагийн дугаарт охидууд гадаад төрхөндөө эрс шинэчлэл хийж, үсээ засуулсан нь тэдэнд ихэд таалагдаж байв. Оролцогч охид японы “Hadalabo” брэндийн бүтээгдэхүүний сурталчилгааны зураг авалтад оролцож, байгалиас заяасан царай, төрхөөрөө өрсөлдсөн юм.

Шоуны эхний дугаарт 16 оролцогч тэнцэж, дараагийн дугаарт ихрүүдийн нэг Г.Ихэрцэцэг болон Б.Түмэнжаргал нар шоуг орхисон.

Харин “Mongolia's next top model” шоу нэвтрүүлгийн гурав дахь дугаарын шилдэг оролцогчоор Т.Номин-Эрдэнэ шалгарч, оролцогч Д.Бүжинлхам тэмцээнийг орхин, гэртээ харилаа.

“Моngolia`s Next Top Model” шоуны шинэ дугаарын зочин шүүгчээр “Киви” хамтлагийн ахлагч, дуучин Д.Уламбаяр буюу Ука оролцлоо.

Шоуны оролцогчид хоёр сарын хугацаанд “Хийморь” хотхоны тансаг зэрэглэлийн хаусд байрлах бөгөөд нийт 16 дугаарын турш өрсөлдөнө.

Шоу нэвтрүүлгийн оролцогчдын ЭЭЛЖИТ ӨӨРЧЛӨЛТ
 

А.СҮРЭН