Баянхонгор аймагт сурын харваатай нааддаг сумд цєєхєн. Хүннүү гүрэн байгуулагдсаны 2220, Их монгол улсаа байгуулсны 805, Үндэсний эрх чєлєєний 100, Ардын хувьсгалын 90,аймаг байгуулагдсаны 70 жипийн тэгш сайхан ойн жилд Галуут нутгийн ажилласаг түмэн эрийн гурван наадмаа жинхэнэ  утгаар нь хийж сур, шагайн харвааны уухайн түрлэгтэй дэнж хотолзууланхан дэлгэр сайхан наадлаа. Тус сумынхан долдугаар сарын 14,15-ны єдрүүдэд улсын их баяр наадмаа тэмдэглэж єнгєрүүлсэн юм. Сумын наадамд аймаг, сумын цолтой хүчит 64 бєх уран мэхийг уралдуулан хүчийг үзэн барилдсанаас 32 нь аймаг сумын цолтой байв. Сумын наадмын шєвгийн дєрєвт Аймгийн начин Є.Мєнхбаяр, Жаргалант сумын заан Э.Содовжамц, Галуут сумын начин Аварга дээд сургуулийн оюутан П.Шагдарсүрэн, Галуут сумын уугуул Татварын ерєнхий газрын мэргэжилтэн залуу бєх Б.Мєнхбат нар үлдэж сумын начин П.Шагдарсүрэн түрүүлж, сумын заан Б.Мєнхбат үзүүрлэж сумын начин цол хүртэж наадамчин олноо баясгажээ. Аймгийн мэргэн тус сумын уугуул, Шүүхийн Шинжилгээний албаны мэргэжилтэн Б.Мєнх-Эрдэнэ сумын наадмын ємнє очиж зургаан харваачийн хамт 14-18 насны хүүхдүүд болон насанд хүрэгчдэд сургалт явуулж сумынхаа наадамд оролцон цэц мэргээ сорьсон байна. Сумын наадамд нийт 28 харваачид оролцож 40 сум тавьснаас Б.Батбилэг, эмэгтэй 18 харваачдаас Бємбєгєр сумын уугуул, аймгийн дархан мэргэн Соого сейко сургуулийн багш Н.Наранжаргал, хүүхдийн харваанд 11 жилийн дунд сургуулийн 8а ангийн сурагч Б.Цогбаяр нар тэргүүн байрыг эзэлж наадамчин олноо уухайн дуунд умбуулжээ. Мєн шандаст хурдан хүлгүүдийн уралдаан уужим тавиун шар хєндийдєє бүтэн єдєржин болж наадамчин олноо шуугиулснаас:

 Азарганы уралдаанд: Сүмбэрийн II багийн алдарт уяач Б.Нямсүрэнгийн сартай хонгор, Хайрханы I багийн уяач Б.Амарсайханы хул, Сүмбэрийн II баг алдарт уяач А.Батболдын хар алаг, уяач А.Баттогтохын хамар цагаан хар, Хайрханы I багийн уяач Т.Баяржаргалын хар айргийн тавд хурдалжээ. 

Их насанд: Баяннуурын IV багийн алдарт уяач Б.Баттєрийн сартай хээр түрүүлж, аймгийн алдарт уяач Б.Нямсүрэнгийн бор хээр аман хүзүүдэж, Мандалын V багийн уяач Х.Банзрагчийн хээр гурвалж, Сүмбэрийн багийн уяач Н.Түвшинжаргалын хар саарал дєрвєлж, Ц.Тєрмєнхийн хул айргийн тавд хурдалсан юм.

Соёолон морьдын уралдаанд: Л.Тогтохбаярын уяж хурдлуулсан, Цагдаагийн хэлтсийн хэсгийн тєлєєлєгч асан Н.Батсайханы хар түрүүлж улсын алдарт уяач Ширмэн агсны хүү, Жаргалант сумын уяач Хангайбаярын саарал, Хайрханы I багийн уяач Б.Батсүрэнгийн дэлт саарал, Үнэгтийн III багийн Д.Дэлгэрдалайн хондон, Мандалын V багийн уяач Б.Баярсайханы удаалжээ.

Хязаалан насны морьдын уралдаанд: Аймгийн алдарт уяач Ж.Батаагийн хондон түрүүлж, мєн багийн уяач Д.Ганбатын шар халтар, аймгийн алдарт уяач  Л.Баттєрийн хаар алаг,  Сүмбэрийн II багийн уяач Б.Түмэн-Эрдэнийн шар хээр, мєн багийн Д.Батхүүгийн хээр удаалсан байна.

Шүдлэн насны морьдын уралдаанд: Үнэгтийн III багийн уяач Б.Єлзийбаярын хүрэн түрүүлж, Сүмбэрийн  II баг уяач Б.Отгондалайгийн уяж хурдлуулсан тус сум, багийн уугуул Улаанбаатар хотын Авто тээврийн албаны дарга П.Нүрзэдийн гал хондон аман хүзүүдэж, мєн багийн уяач Ю.Батбаярын хондон, аймгийн алдарт уяач Н.Батболд хамар цагаан шар хээр, Үнэгтийн III багийн уяач Д.Түмэн-Єлзийн хонгор удаалжээ.

Дааган насны морьдын уралдаанд: Сүмбэрийн II багийн уяач Б.Отгондалайгийн уяж хурдлуулсан П.Нүрзэдийн согоо буурал алаг түрүүлж, хэсгийн тєлєєлєгч асан Н.Батсайханы бєхєн хонгор аман хүзүүдэж, аймгийн алдарт уяач Н.Галбадрах хул, мєн багийн уяач Оргилийн хээр удаалж, наадамчин олон уясан эзэн, унасан хүүхдийнхээ магнайг тэнийлгэн баярлуулсан байна. Ийнхүү Архан Галуутай нутгийн єнєє жилийн наадам дэнж хотолзуулан, дэлхий бємбєрдєн, дэлгэр сайхан болж нар асгаруулан наадлаа.