-Та С.Зориг агсантай найз байсан уу, энд гадаадын хүн ирсэн нь содон харагдаж байна?

-С.Зоригтой манай нөхөр найз байсан. Би бол С.Оюунтай найз. С.Оюун Прагад их сургууль төгссөн. Тэр үеэс найзалсан. Гэхдээ би бас С.Зоригтой хэсэг хамт ажиллаж байсан л даа. Сайн хүн байсан. Маш харамсалтайгаар амиа алдсан. Их юм хийх байсан даа гэж боддог.

Уран барималч Б.Дэнзэн:

-Та С.Зориг андынхаа талаар дурсч ярина уу?

-Бид их дотнын найзууд байсан.Надад одоо ч их бодогддог.Залуудаа бид Монголынхоо ирээдүйн төлөө их л ярьдаг байсан. С.Зориг амьд байсан бол Монголын түүх нэлээд өөр замаар явах байсан гэж боддог. Зарим бэрхшээлийг илүү түргэн давах байсан байх.

“Хонхны дуу”-г дуулсан уран бүтээлч Н.Энхбаяр:

-Найзынхаа талаар өнөөдөр юу бодож байна?

-Надад бүр хар багын дурсамж илүү байдаг. Бид нэг байр, нэг орцонд өссөн. С.Зоригийн ах С.Баяр бид хоёр их хөдөлгөөнтэй байсан. С.Зориг биднийг багадаа их дагана. С.Баяр бид хоёр орхиж зугтдаг, тийм л байсан. Хэрэв амьд байсан бол Монголын ард түмний төлөө их юм хийсэн байгаа гэж боддог. Арай дэндүү залуугаараа хорвоог орхисон доо.

Ардчиллын анхдагчдын нэг малыш Энхтүвшин:

-Энэ өдөр танд юу бодогдож байна вэ?

-Бид хоёр нэг сургуулийн хоёр. Бас Москвад хамт сурч, МУИС-д нэг тэнхимд ажиллаж байсан. Одоо бодоход С.Зориг их ганцаардаж байжээ. С.Зоригийг хөнөөсөн хэрэг тун удахгүй илэрнэ. Би үүнд итгэлтэй байна. Мэргэжлийн гоо зүй гэж хүчтэй юм бий. Цагдаагийн байгууллага үүнийгээ харуулах цаг болсон. Жинхэнэ баатар бол С.Зориг байгаа юм.

Д.ОЮУН