Моделиудын эхний өөрчлөлт

Монголын загварын ертөнцөд цоо шинэ төрх бий болгох зорилготой “Моngolia`s Next Top Model” шоу “Боловсрол суваг” телевизээр үзэгчдийн хүртээл болж буй.

Энэхүү шоунд оролцохоор нийт 220 гаруй охид, бүсгүйчүүд бүртгүүлжээ. Тэднээс гурван үе шат бүхий шалгаруулалтын дараа шилдэг 22 охин эхний дугаарт тэнцсэн байна. Ийн шоуны эхний дугаарт 14 оролцогч тэнцэж, дараагийн дугаарт өрсөлдөх эрхтэй болсон байна. Мөн эхний дугаар учраас оролцогчдыг харгалзан үзэж, хоёр оролцогч охидод боломж олгож, 16-уулаа өрсөлдөхөөр болов.

“Моngolia`s Next Top Model” шоуны эхний дугаарыг “Шангри Ла Молл”-д болсон бөгөөд оролцогч охидын 1960, 1970-аад оны стилиэр хувцаслаж, зураг авалтад оролцсон юм.

“Mongolia's next top model” эхний дугаарыг монголын супер модель Нора Дагва хөтөлж, “On'n Off” продакшны гүйцэтгэх захирал, сэтгүүлч Т.Нансалмаа, зөвлөх продюсер Мартин Рэдмин нар шүүгчээр ажиллалаа.

Ийн “Mongolia's next top model” шоуны оролцогчид хоёр сарын хугацаанд “Хийморь” хотхоны тансаг зэрэглэлийн хаусдтайгаа танилцснаар эхний дугаар өндөрлөв.

“MONGOLIA'S NEXT TOP MODEL” ШОУНЫ ОРОЛЦОГЧИД

1. Оролцогч Т.Номин-Эрдэнэ

ОУУБИС-д Санхүүч мэргэжлээр сурдаг. Модель болно гэж төсөөлж ч байгаагүй эршүүд зантай охинд энэ тэмцээн хамгийн том туршлага болж буй. Өмнөх амжилтаасаа давсан амжилт гаргахын төлөө тэр энд ирсэн.

2. Оролцогч Э.Оюунбилэг

“Сити” их сургуулийг “Зочид буудал, зоогийн газрын менежмент” мэргэжлээр төгссөн. Бие даасан, хүчтэй бүсгүй байхын төлөө бага наснаасаа хичээж ирсэн түүний амьдрал гэрийнхнийх нь бахархлыг үргэлж төрүүлдэг. Дуртай зүйлээ хийж байхдаа аз жаргалыг мэдэрдэг учраас энэ тэмцээн түүнд ялалт авч ирнэ гэж боддог.

3. Оролцогч Б.Жагзмаа

Нэгдүгээр сургуулийн сурагч. “Mongolia’s next top model” нэвтрүүлэг түүнд өөрийнхөө урьд өмнө нь харж байгаагүй шинэ төрхөө олж харах боломжийг олгосон. Насаар бага хэдий ч хүчтэй өрсөлдөгч гэдгээ батлан харуулах зорилготой.

4. Оролцогч Б.Түмэнжаргал

“АШУҮИС”-ийн оюутан. Загварын тайзан дээр алхсан туршлагатай ч улам их амжилт гаргахыг хүссэн. Харин хүсэл мөрөөдлөө бодит болгохын тулд мөн хүчтэй өрсөлдөгч байхын тулд “Mongolia’s next top model” шоунд орох замыг сонгосон.

5. Оролцогч Ш.Мандхай

ОСНААУГ-т оператороор ажилладаг. Эр нөхөртөө сайн хань, хүүдээ бахархал болсон ээж байхын тулд хичээж амьдардаг түүний эгэл жирийн амьдралыг “Mongolia’s next top model” нэвтрүүлэг өөрчилж мөрөөдөлд нь хүргэнэ гэдэгт итгэдэг.

6. Оролцогч Г.Ижилцэцэг

БНХАУ-ын Бээжин хотын Боловсролын их сургуулийг “Олон улсын эрх зүйч” мэргэжлээр төгссөн. Өөрийнхөө байгаа зан чанар, суурь хүмүүжлээр бусдад үлгэр дууриал болохыг хүсдэг бүсгүй. Түүний мөрөөдөл загварын салбараас гадна худалдааны салбарт шинэчлэл авч ирэх зорилготой.

7. Оролцогч Г.Ихэрцэцэг

БНХАУ-ын Бээжин хотын Боловсролын их сургуулийг хятад хэлний орчуулагч мэргэжлээр төгссөн. Бүсгүй хүн тэвчээр хатуужил, сэтгэлийн хаттай байх ёстой гэж үздэг түүний бодол бусдаас ялгарах гол шинж. Шинийг турших, эрэл хайгуул хийх зорилгынх нь нэгээхэн хэсэг нь энэ нэвтрүүлэг мөн.

8. Оролцогч Д.Бүжинлхам

“МУИС”-ийн оюутан. Өөрийн мэдрэмж, бүтээлч сэтгэлгээгээ задалж загварын ертөнцөд хөл тавихаар шийдсэн. Тэрээр модель болох гараагаа “Mongolia’s next top model” шоу нэвтрүүлгээс эхлүүлж байна. Энэ нэвтрүүлгээс өөрийнхөө шинэ дүр төрхөө олж өөрийнхөө амьдралд нэгэн шинэ хуудсыг нээх болно.

9. Оролцогч М.Биндэръяа

“ШУТИС”-ийн оюутан. Гэр бүлийнхэн нь түүнийг эрдэм номын хүн болоосой гэж хүсдэг. Тэр шамдан суралцдаг ч түүний сэтгэлд модель болох хүсэл мөрөөдөл оршин байдаг. Зөвхөн мөрөөдөөд суухыг хүсээгүй тэр мөрөөдөлдөө хүрэхийн тулд зоригтой алхам хийсэн нь энэ нэвтрүүлэгт орсон явдаг.

10. Оролцогч Б.Бат-Оюун

“Сити” их сургуульд “Нүүр хувиргагч”-ийн чиглэлээр суралцдаг. Хүний нүүрийг будаж хөөрхөн болгочихоод түүнээсээ сэтгэл ханамж авах хамгийн сайхан учраас нүүр хувиргагчийн чиглэлээр суралцдаг хэмээн ярьсан Б.Бат-Оюуны мөрөөдөл бага наснаас нь эхлэлтэй. Хийж үзээгүй бүх зүйлээ туршиж үзэх нь түүний гол зорилго л юм.

11. Оролцогч Б.Ану-Үжин

“Ирээдүй цогцолбор” ахлах сургуулийн сурагч. Тэр бусдаасаа намхан нуруутай ч түүний модель болох хүсэл мөрөөдөл хэнээс дутахааргүй өндөр. Үүнийгээ батлахын тулд энэ шоунд орж ирсэн.

12. Оролцогч М.Анхбаяр

Технологийн сургуулийн 3-р дамжааны оюутан. Унгар улсын гудмаар алхаж явахад загварын агентлагт ажиллах санал тавьсан нь түүний модель болох хүслийг төрүүлсэн байна. Багаасаа үзэж өссөн “Next top model” шоу Монголд албан ёсны эрхтэй хийгдэх болсныг дуулаад эргэлт буцалтгүй орохоор шийдсэн.

13. Оролцогч Ю.Балжидмаа

“Хүмүүнлэгийн Ухааны Их Сургууль”-д “Сэтгэл зүйч” мэргэжлээр суралцдаг. Загварын ертөнц түүний хувьд дотоод ертөнцөө илэрхийлэх боломж. Байнга хувьсан өөрчлөгддөг энэ салбарт өөрийнхөө өнгө төрхийг үлдээх нь түүний чин сэтгэлийн мөрөөдөл.

14. Оролцогч Т.Сарангэрэл

“Эм Си Ди Эс Эф” компанид үйл ажиллагаа хариуцсан менежерээр ажилладаг. Сайхан хувцас өмссөн хүнийг хараад өөрөө өмссөн юм шиг баярладаг түүний сэтгэл загварын салбарт дурлуулсан нэг шалтгаан мөн. Өөрийгөө нээх хүслийг нь бадрааж өгсөн учир “Mongolia’s next top model” нэвтрүүлгийг сонгосон.

15. Оролцогч Б.Цэрэндолгор

“Ач” анагаах ухааны их сургуульд “Шүдний эмч” мэргэжлээр суралцдаг. Эмэгтэй хүний гоо сайхны төлөө ажиллах ёстой учраас шүдний эмч мэргэжлийг сонгосон хэмээн яриагаа эхэлсэн түүний дотоод ертөнц, үзэл бодол хэзээ ч хувирашгүй. Өөрөөс нь хэт хол гэж бодож байсан загварын салбар нь одоо түүнд хамгийн ихээр аз жаргал бэлэглэдэг.

А.СҮРЭН

Моделиудын эхний өөрчлөлт

Моделиудын эхний өөрчлөлт

Г. Батмандах

NEWS.mn