(“The Telegraph”, Их Британи,  Ник Сквайерс (Nick Squires))

Сайн цалин хөлстэй Италийн депутатууд, парламентын гишүүдийн хөнгөн стильд дургүйцсэн дургүйцэл их байгаа ч хамгаалалт авахын тулд өөрсдөө өөртөө хуурамч заналхийлэл илгээж байна гэж мэдээлэв. 

Өөрийгөө «Труман аалз» (Spider Truman) гэж нэрлэсэн Италийн парламентын хуучин ажилтны хэ­дэн өргөдлийн эсрэг парламентын гишүүдийн тансаглалын талаар баримтууд гарч ирж байна.

Өнгөрсөн долоо хоногт Европт хамгийн өндөр цалин хөлстэй итали парламентын гишүүдийн тусгай хангамжийг эсэргүүцэн тэрээр Face­book-т хуудсаа нээн мэдэгдэл хийсэн бөгөөд уг мэдэгдлийг 350 мянган “фолловерүүд” орж сонирхжээ. Face­book  дэх хуудаснаа түүнтэй холбоотой блогт нийтлэгдсэн мэдэг­дэл нь улс орон нь  өрөнд дарагдан, эдийн засгийн өсөлт бараг байхгүй, бүсээ чангалах дээр тулаад байхад тэдний депутатууд тансаглан жаргаж байна гэж дургүйцсэн  италичуудын дургүйцлийн галд тос нэмэрлэв.

Италийн парламент өнгөрсөн долоо хоногт иргэддээ цохилт бол­сон арга хэмжээ авч 48 тэрбум евро хэмнэх хэмнэлтийн чанга арга хэмжээний багцыг баталсан юм. Гэхдээ дундаж цалин нь жилдээ 140 мянган евро болдог депутатуудынхаа эдэлж буй хангамжийг бууруулах талаар юу ч хийгээүй.

The Secrets of the Caste гэж гарчигласан өөрийн блогт Труман аалз Италийн доод танхимын 945 депутатууд болон сенаторууд ноут­букаа алдлаа гэх мэтийн хувийн эд зүйлээ хулгайлуулсан тухай худал өргөдөл бичээд дараа нь нөхөн төлбө­рийг парламентын даатгалын системээр дамжуулан нэхдэг байсан тухай өгүүлсэн байв. Сенатын гишүүд, танхимын депу­татууд ална тална гэж заналхийлсан хуурамч захидлыг өөрөө өөртөө илгээн зэв­сэгт хамгаалалт авч байснаа зөвтгөхөөр оролдсон гэж тэрээр мэдэгдсэн байна. Үүнийг илчлэгч нэрээ хэлэхээс татгалзсан ч доод танхимд 15 жил ажиллаад энэ онд ажилгүй болсон  нэгэн гэж өөрийгөө танилцуулжээ.

Тэрээр “Corriere della Sera” сонинд онлайн ярилцлага өгөхдөө зур­гаан хэвлэн нийтлэгч түүнтэй хол­­богдон мэдэж байгаа зүйлээрээ ном бичихийг гуйсан гэсэн байв. Италийн парламентын гишүүдийн тусгай хангамжид өндөр тэтгэвэр, үнэгүй нислэг, ба галт тэрэгний тасал­бар,Ромын Тибра голын эрэг дэх усан сан ба теннисийн талбайтай спорт клубын үнэгүй үйлчилгээ зэрэг ордог гэнэ. Мөн тэд парламентад ажилладаг долоон үсчинд татаастай үйлчлүүлдэг бөгөөд эрүүл мэндийн салбарын хөнгөлөлт болон театр, киноны үнэгүй урилга авдаг гэнэ. Тэднийг өндөр үнэтэй, шилийг нь манантуулсан Alfa Romeo ба Maserati машинаар  цагдаагийн тусгай дохио­­­той мотоциклийн цуваагаар хам­гаалуулан замын түгжрэл үүсгэн явуулдаг.

Facebook дэх хуудас хэдэн арван мянган сэтгэгдлээр дүүрэн ард түмний сонгосон хүмүүсийн талаар илчилсэн өгүүлэл гаргасанд хүмүүс талархлаа гаргасан байлаа.

Илчлэгчийн талын нэгэн хүн италичууд Гай Фоксын (Guy Fawkes) жишээг даган парламентыг дэлбэлэх хэрэгтэй гэсэн байв. Өөр нэг нь албаны машиныг машиныг депутатын гэр бүлийнхэн ашиглаж байгааг бичжээ. “Дотор нь депутатын авгай дэлгүүр хэсэхээр явж байна уу, эсвэл хүүхэд нь сургуульд хүргүү­лэхээр суусан уу гэдгийн ердөө мэдэх аргагүй” гэж тэнд өгүүлсэн байна.

Өөр нэг “фолловер” сэтгэгдэл бичихдээ “Хүмүүс  Засгийн газраас айх биш, Засгийн газар нь ард түмнээс айх ёстой” гэсэн байлаа. Үйлд­вэрч­ний эвлэлийн лидерүүд, нөлөө бүхий бизнесийн холбоодын тэргүүн нар депутатуудад хандан хэдэн арван сая италичууд бүсээ чангалан санхүүгийн хохиролд орж байхад өөрсдийнхөө хангамжийг бууруулж, хариуцлагатайгаа харуу­лахыг уриал­жээ. Тэдний энэ тансаглалын тухай өгүүлэл олон нийтийн бусад сүл­жээгээр тархан италичууд эрх баригчид ба ердийн хүмүүсийн хоорондын ялгааг хувьсгалын өмнөх Францын иймэрхүү байдалтай зэрэгцүүлэн үзэж байна. Олон хүн Хойд Африк ба Ойрхи Дорнодыг хамарсан хувьсгалыг сануулж “Арабын хавар”-ын итали хувилбар хийхийг уриалсан байлаа.