Засгийн газар өчигдрийн /2017.01.11/ хуралдаанаас Тагнуулийн ерөнхий газар /ТЕГ/-ын Цэргийн тагнуулын газрын даргаар Н.Ганболдыг томилох шийдвэр гаргажээ.

Н.Ганболд нь Авлигатай тэмцэх газар /АТГ/-ын даргын албыг хашиж байгаад, өнгөрсөн оны дөрөвдүгээр сард өөрийн хүсэлтээр чөлөөлөгдсөн билээ.

ТЕГ-ын Цэргийн тагнуулын газрын даргаар өмнө нь хурандаа Д.Мөнх-Очир ажиллаж байсан юм.

Тагнуулын байгууллагын тухай хуульд 2015 онд өөрчлөлт орсноор Цэргийн тагнуул болон Хилийн тагнуулын газрыг Тагнуулын ерөнхий газарт нэгтгэсэн билээ.

Д.УУДАМ