Бага тойруугийн 2.6 км замын шинэчлэлтийн ажлын хүрээнд Хүнсний 4-р дэлгүүрийн уулзвараас ШУТИС-ийн уулзвар хүртэлх 600 м замыг өнөө орой буюу долдугаар сарын 26-ны орой нээж, ШУТИС-ийн уулзвараас МУБИС хүртэлх 400 м замын хөдөлгөөнийг өнөө оройноос ирэх сарын 2-ны өглөө хүртэл хааж зам барилгын ажил гүйцэтгэх юм байна. Бага тойруугийн замыг төлөвлөгөө ёсоор бол өнөө орой нээх ёстой. Metromall дэлгүүрийн уулзвараас Хүнсний 4-р дэлгүүрийн уулзвар хүртэлх 200 метр замын хөдөлгөөнийг энэ сарын 19-нд нээж, Хүнсний 4-р дэлгүүрийн уулзвараас ШУТИС-ийн уулзвар хүртэлх 600 метр замын хөдөлгөөнийг энэ сарын 19-нөөс 27-ныг хүртэл хаах юм. ШУТИС-ийн хойд уулзварыг 29-ний баасан гаригийн 23.00 цагаас ням гаригийн 23.00 цаг хүртэл хааж ажиллахаар төлөвлөж байгаа гэв.