Барак Обамагийн засаг захиргаанаас Оросын эсрэг шинэ хоригийг авч байгаатай холбоотойгоор Вашингтон дахь Оросын ЭСЯ мэдэгдэл хийн энэ шинэ хориг арга хэмжээ нь Орос, Америкийн харилцааг бусниулахад чиглэгдсэн гэлээ.

Арванхоёрдугаар сарын 29-нд зарлагдсан хориг арга хэмжээ нь Орос-Америкийн хоёр талын харилцааг бусниулахад чиглэгдсэн. Түүнд хариу арга хэмжээ авах болно гэж ЭСЯ-ны албан ёсны сайт ба “твиттер” дэх микроблогуудад өгүүлжээ.

Элчин сайдын яамны мэдэгдэлд, Оросыг АНУ-ын сонгуулийн кампанид хутгалдан оролцож нөлөөлсөн гэж байгаа нь ямар ч үндэслэлгүй хэмээн онцолжээ.

Бэлтгэсэн Ш.МЯГМАР